इंग्रजी वाचता येते आणि समजते पण बोलताना जीभ अडखळते? मग या ६ सवयी बदला आणि फाडफाड इंग्रजी बोला

नमस्कार मित्रांनो

              आजच्या काळात इंग्रजी ही फक्त भाषा नसून ती एक गरज बनली आहे अनेकदा असे होते की आपल्याला समोरच्या व्यक्तीचे इंग्रजी बोलणे पूर्ण समजते आपण वर्तमानपत्र वाचू शकतो किंवा इंग्रजी सिनेमे बघून त्याचा अर्थ लावू शकतो पण जेव्हा वेळ स्वतः बोलण्याची येते तेव्हा मात्र आपली गाडी अडते.

तोंडात शब्द असतात पण ते वेळेवर बाहेर पडत नाहीत मनातल्या मनात आपण वाक्य तयार करतो पण प्रत्यक्षात बोलताना भीती वाटते की माझे व्याकरण चुकेल का लोक मला हसतील का?

जर तुमची सुद्धा हीच अडचण असेल तर काळजी करू नका कारण ही समस्या एकट्या तुमची नाही तर ९० टक्के भारतीयांची आहे याचे मुख्य कारण म्हणजे आपण इंग्रजीला एक भाषा म्हणून नाही तर एक विषय म्हणून शिकलो आहोत आज आपण अशा ६ पद्धती पाहणार आहोत ज्या वापरल्या तर तुम्ही पुढच्या ३० दिवसांत आत्मविश्वासाने इंग्रजी बोलू शकाल.

मनातल्या मनात भाषांतर करणे थांबवा

आपली सर्वात मोठी चूक इथेच होते जेव्हा आपल्याला काही इंग्रजीत बोलायचे असते तेव्हा आपण आधी ते वाक्य मराठीत विचार करतो आणि मग त्याचे इंग्रजीत भाषांतर करतो.

मराठी आणि इंग्रजी या दोन्ही भाषांची रचना पूर्णपणे वेगळी आहे मराठीत आपण म्हणतो मी आंबा खातो म्हणजे कर्ता कर्म आणि क्रियापद पण इंग्रजीत I eat a mango म्हणजे कर्ता क्रियापद आणि कर्म अशी रचना असते.

जेव्हा तुम्ही प्रत्येक शब्द ट्रान्सलेट करायला जाता तेव्हा तुमचा मेंदू गोंधळतो आणि बोलण्याचा वेग कमी होतो त्यामुळे जी वस्तू समोर दिसेल तिचे नाव थेट इंग्रजीत आठवायचा प्रयत्न करा खुर्चीला खुर्ची न म्हणता थेट चेअर म्हणा पाणी न म्हणता वॉटर म्हणा जेव्हा तुम्ही शब्दांचा विचार इंग्रजीत कराल तेव्हा वाक्ये आपोआप जुळतील.

आरसा तुमचा सर्वात चांगला मित्र

सुरुवातीला लोकांशी इंग्रजीत बोलायला भीती वाटणे स्वाभाविक आहे अशा वेळी आरसा म्हणजेच मिरर प्रॅक्टिस खूप कामाला येते.

दिवसातून फक्त १० मिनिटे स्वतःला आरशात बघा आणि स्वतःशीच गप्पा मारा आज दिवसभरात काय झाले किंवा उद्या मी काय करणार आहे हे आरशात बघून इंग्रजीत सांगा.

इथे तुम्हाला हसणारे कोणी नसते किंवा तुमची चूक काढणारे कोणी नसते जेव्हा तुम्ही स्वतःच्या डोळ्यांत बघून बोलता तेव्हा तुमचा आत्मविश्वास वाढतो आणि जीभेला इंग्रजी शब्द उच्चारण्याची सवय होते.

ऐकणे जास्त महत्त्वाचे आहे

लहान मूल जेव्हा जन्माला येते तेव्हा ते लगेच बोलायला लागत नाही ते आधी दोन वर्षे फक्त ऐकते आणि मग बोलायला शिकते आपण मात्र उलट करतो आपण फक्त वाचतो आणि लिहितो पण इंग्रजी ऐकत नाही.

जर तुम्हाला चांगले बोलायचे असेल तर तुम्हाला इंग्रजी ऐकावे लागेल यासाठी बीबीसी न्यूज किंवा साधे इंग्रजी कार्टून्स बघा कार्टून्सची भाषा खूप सोपी असते आणि त्यांचे उच्चार स्पष्ट असतात जेवढे जास्त शब्द कानावर पडतील तेवढेच ते बोलताना आठवतील.

वाचताना मोठ्याने वाचा

अनेकदा आपण मनातल्या मनात वाचतो पण इंग्रजी सुधारण्यासाठी हे चुकीचे आहे जेव्हा तुम्ही एखादे पुस्तक किंवा बातमी वाचता तेव्हा ती जोरात बोलून वाचा.

यामुळे दोन फायदे होतात एक म्हणजे तुम्हाला तुमचाच आवाज ऐकू येतो आणि दुसरे म्हणजे तुमच्या जिभेला आणि ओठांना इंग्रजी शब्दांच्या हालचालींची सवय होते इंग्रजीतील काही उच्चार मराठीपेक्षा वेगळे असतात त्यांचा सराव फक्त मोठ्याने वाचल्यानेच होतो.

व्याकरणाची जास्त काळजी करू नका

मी बोलताना is वापरू की was वापरू यातच अर्धा वेळ जातो लक्षात ठेवा व्याकरण हे लिहिताना महत्त्वाचे असते बोलताना नाही.

जेव्हा आपण मराठी बोलतो तेव्हा आपण व्याकरणाचा विचार करतो का नाही ना मग इंग्रजीत का समोरच्याला तुमचा अर्थ समजणे महत्त्वाचे आहे सुरुवातीला चुका होणारच आहेत पण जर तुम्ही चुकांच्या भीतीने बोलणेच थांबवले तर तुम्ही कधीच शिकू शकणार नाही.

तुटक्या फुटक्या इंग्रजीत का होईना पण बोलायला सुरुवात करा.

 रोजच्या वापरातील लहान वाक्ये पाठ करा

सुरुवातीलाच मोठी वाक्ये बनवण्याचा प्रयत्न करू नका त्याऐवजी छोटी वाक्ये वापरा इकडे ये म्हणण्याऐवजी Come here म्हणा दार उघड म्हणण्याऐवजी Open the door म्हणा जेव्हा ही छोटी वाक्ये तुमच्या सवयीची होतील तेव्हा मेंदूला आपोआप मोठी वाक्ये सुचू लागतील.

                मित्रांनो सायकल चालवणे जसे पुस्तकात वाचून शिकता येत नाही त्यासाठी सायकलवर बसावेच लागते तसेच इंग्रजी बोलणे फक्त व्हिडिओ बघून येणार नाही त्यासाठी तुम्हाला बोलावेच लागेल

आजपासूनच ठरवा की मी दिवसातील १५ मिनिटे फक्त इंग्रजीत बोलेन मग ते चुकले तरी चालेल सातत्य ठेवले तर यश नक्कीच मिळेल

तुम्हाला इंग्रजी बोलताना नक्की कोणती अडचण येते हे आम्हाला कमेंट करून सांगा